ក្រសួងមហាផ្ទៃ រកឃើញនារីជនជាតិសិង្ហបុរីដែលឪពុកប្ដឹងបាត់ខ្លួន
By SangKheb Daily
August 1, 2026
នំពេញ៖ មន្ត្រីជំនាញនៃក្រសួងមហាផ្ទៃ បានរកឃើញនារីជនជាតិសិង្ហបុរីមួយរូបរួចហើយ កាលពីថ្ងៃទី៣១ ខែកក្កដា ឆ្នាំ២០២៦ នៅខុនដូឈ្មោះទួលគោកឡែន ស្ថិតក្នុងខណ្ឌទួលគោក រាជធានីភ្នំពេញ។ ករណីនេះ កើតឡើងបន្ទាប់ពីឪពុករបស់នាងបានប្ដឹងបាត់ខ្លួននៅភ្នំពេញ។បើតាមប្រភពព័ត៌មានពីអ្នកនាំពាក្យរងក្រសួងមហាផ្ទៃ ប្អូនស្រីរបស់នារីរូបនេះ ឈ្មោះ Siti Aishan Siregar binte Siregar បានបំភ្លឺជំហានដំបូងថា ប្អូនស្រីរបស់នាងមិនសប្បាយចិត្តជាមួយឪពុកម្ដាយ ហើយបានធ្វើដំណើរមកកាន់ប្រទេសកម្ពុជាតែម្នាក់ឯង កាលពីថ្ងៃទី២៨ ខែកក្កដា ឆ្នាំ២០២៦ តាមជើងយន្តហោះលេខ EK348។នាងក៏បានបង្ហាញបំណងចង់រស់នៅ និងធ្វើការនៅកម្ពុជា ដោយគ្រោងដាក់ពាក្យស្នើសុំបណ្ណការងារ ដើម្បីបម្រើការជាគ្រូបង្រៀនភាសាអង់គ្លេស។បច្ចុប្បន្ន ស្ថានភាពរបស់នារីរូបនេះ គឺមានសុវត្ថិភាព ហើយកំពុងស្ថិតក្នុងការសម្របសម្រួលជាមួយអាជ្ញាធរពាក់ព័ន្ធ រួមទាំងការទំនាក់ទំនងជាមួយគ្រួសាររបស់នាងផងដែរ។
ប្រភព៖ អ្នកនាំពាក្យរង ក្រសួងមហាផ្ទៃ