ក្ដៅៗ៖ ក្រសួងសុខាភិបាលកម្ពុជា រកឃើញវីរុសកូវីដ-១៩ បំប្លែងថ្មី NB.1.8.1 ចំនួន ១ករណី ណែនាំប្រជាពលរដ្ឋប្រុងប្រយ័ត្នខ្ពស់
By SangKheb Daily
May 25, 2026
ភ្នំពេញ៖ នៅថ្ងៃទី២៤ ខែឧសភា ឆ្នាំ២០២៦ ក្រសួងសុខាភិបាលបានប្រកាសរកឃើញករណីវិជ្ជមានវីរុសកូវីដ-១៩ បំប្លែងថ្មី NB.1.8.1 ចំនួន ១ករណី ដែលត្រូវបានរកឃើញកាលពីថ្ងៃទី១៨ ខែឧសភា ឆ្នាំ២០២៦។តាមសេចក្តីប្រកាសរបស់ក្រសួងសុខាភិបាល ករណីនេះត្រូវបានរកឃើញតាមរយៈប្រព័ន្ធឃ្លាំមើលជំងឺឆ្លងរបស់នាយកដ្ឋានប្រយុទ្ធនឹងជំងឺឆ្លង។ វីរុសបំប្លែងថ្មី NB.1.8.1 មានលក្ខណៈឆ្លងរាលដាលលឿន ប៉ុន្តែបច្ចុប្បន្នមិនទាន់មានភស្តុតាងថា វាបង្កឱ្យមានជំងឺធ្ងន់ធ្ងរ ឬស្លាប់ច្រើនជាងប្រភេទមុនៗឡើយ។ក្រសួងសុខាភិបាលបានគូសបញ្ជាក់ថា ស្ថានការណ៍នៅពេលនេះនៅតែស្ថិតក្រោមការគ្រប់គ្រង ប៉ុន្តែបានអំពាវនាវឱ្យប្រជាពលរដ្ឋទាំងអស់បង្កើនការប្រុងប្រយ័ត្នខ្ពស់ ដើម្បីទប់ស្កាត់ការឆ្លងរាលដាលបន្ថែមទៀត។
វិធានការណ៍ការពារដែលក្រសួងណែនាំ៖
- លាងដៃឱ្យបានញឹកញាប់ ជាមួយសាប៊ូ ជែលអាល់កុល ឬអាល់កុល ៧០% ជាពិសេសមុននឹងញ៉ាំអាហារ និងក្រោយពីប៉ះពាល់វត្ថុសាធារណៈ។
- គ្របមាត់ច្រមុះ នៅពេលក្អក ឬកណ្តាស់ ដោយប្រើកែងដៃ ឬម៉ាស់។
- ចាក់វ៉ាក់សាំង ឱ្យបានគ្រប់ដូសមូលដ្ឋាន និងដូសជំរុញ (Booster) នៅមន្ទីរពេទ្យរដ្ឋ ឬមណ្ឌលសុខភាពជិតបំផុត។
- បើមានរោគសញ្ញា ដូចជា គ្រុនក្តៅ ក្អក ផ្តាស់ស្រឡោង ឬពិបាកដកដង្ហើម សូមប្រញាប់ទៅពិនិត្យ និងព្យាបាលនៅមន្ទីរពេទ្យភ្លាមៗ។
ក្រសួងសុខាភិបាលនឹងបន្តតាមដានស្ថានភាពជំងឺយ៉ាងដិតដល់ និងនឹងជូនដំណឹងជាប្រចាំបើមានការផ្លាស់ប្តូរថ្មីៗ។